Self Reflection Journal

Þessi dagbók hjálpar okkur að vinna úr lífi okkar; að hugsa skýrar um hvað við viljum í raun, hvað við erum í raun að finna og hvað gæti verið að halda aftur af okkur á leið að markmiðum okkar. Við fáum rými til að fylgjast með því sem er að gerast í huga okkar og hvatningu til að greina hugsanir okkar reglulega af skýrleika og yfirvegun. Með því að fylla dagbókina út reglulega getum við dregið úr kvíða og beint sjónum að því sem raunverulega skiptir okkur máli. Þetta er sálfræðilegt verkfæri sem hjálpar okkur að melta tilfinningar og atburði – og með tímanum að byggja upp það rólega, þroskaða og ánægða líf sem við eigum skilið.

Hvernig á að nota þessa leiðbeinandi dagbók

Þessi dagbók er boð um meðvitaðra líf, um að verja reglulega nokkrum augnablikum (helst daglega) í að kynnast sjálfum sér betur – svo að við þjáumst síður af tilfinningum sem við höfum ýtt frá okkur.
Það sem dagbókin biður okkur um lítur út fyrir að vera auðvelt en er fjarri því. Við erum – öll sem eitt – forhert í að flýja eigin tilfinningar. Það krefst því sannrar staðfestu og hugrekkis að smjúga ekki undan því að mæta sársaukafullum eða flóknum hlutum sjálfs okkar, og að þykja nógu vænt um okkur sjálf til að verja reglulega tíma með flækjum okkar, eins og við myndum gera fyrir vin.

Spurningarnar fimm sem við leggjum til að við förum öll í gegnum í hverri sjálfsskoðun eru vandlega valdar til að beina huganum að þeim sviðum sem við vanrækjum gjarnan – og þar sem vandræðin geta sprottið upp af mestum þunga þegar við gerum það.

1. Hvað hef ég raunverulegar áhyggjur af?
2. Hvað hryggir mig um þessar mundir?
3. Hver hefur farið í taugarnar á mér og hvernig?
4. Hvað vill líkami minn?
5. Hvað er enn yndislegt?