Mood Map

Stundum getur verið mjög erfitt að vita – hvað þá segja öðrum – hvað við finnum í raun og veru. Hér er stokkur með 60 spjöldum sem hvert um sig setur fingurinn á tilfinningu sem við gætum verið að upplifa án þess að geta fest hendur á henni nákvæmlega. Þemu spjaldanna spanna allt frá gleði til sorgar, frá óróleika til æðruleysis.

Notaðu spjöldin með vini, maka, meðferðaraðila eða foreldri – í hvaða aðstæðum sem er þar sem þig langar að skoða ólíkar tilfinningar til að átta þig á hvað raunverulega bærist innra með þér. Af þokka og léttleika verðurðu skýrari fyrir sjálfum þér – og mun skiljanlegri og opnari gagnvart öðrum.

Sannar tilfinningar okkar eru oft rétt utan seilingar. Notaðu spjöldin hvenær sem þú vilt átta þig betur á því hvað kann að vera að gerast í huga þér – til að útskýra þig fyrir öðrum eða (ekki síður gagnlegt) fyrir sjálfum þér.

Leiðbeiningar:

Renndu hratt í gegnum spjöldin og taktu frá þau sem kveikja á einhverju og fanga það sem þú finnur núna. Þú gætir fundið 5 eða 10 spjöld sem virðast sérlega viðeigandi.

Leggðu spjöldin sem þú valdir á borðið fyrir framan þig og kafaðu dýpra í þau, í ástæðurnar fyrir því að þú valdir þau:

Hvað dró þig að tiltekinni tilfinningu?
Hvaða sögur og skynjanir liggja að baki tilteknu spjaldi?
Hvað viltu gera við hverja tilfinningu sem þú ert að upplifa?

Endurtaktu reglulega hvenær sem ringulreið sækir að.